Moenie vir 'n skielike krisis of ramp skrik nie.

Kom ons kyk wat se Spreuke 3 vers 25 & 26

Spreuke 3:25 Jy hoef nie bang te wees vir ‘n skielike skrik of vir die ondergang van die goddelose as dit kom nie;
Spreuke 3:26 want die HERE sal jou vertroue wees, en Hy sal jou voet bewaar vir die strik.

Die volgende gedeelte in 2 Konings 4 vers 1 - 7 leer vir ons dat ons geduldig moet wees en op GOD vetrou. Hy sal vir ons die wysheid gee die regte besluite te neem.

En ’n sekere vrou uit die vroue van die profete-seuns het na Elísa geroep en gesê: U dienaar, my man, is dood, en u weet self dat u dienaar die HERE gevrees het; nou het die skuldeiser gekom om my twee kinders vir hom as slawe te neem.

Toe sê Elísa vir haar: Wat kan ek vir jou doen? Gee my te kenne wat jy in die huis het. En sy antwoord: U dienares het glad niks in die huis nie, behalwe ’n flessie met olie.

En hy sê: Gaan leen vir jou van buite af kanne, leë kanne van al jou bure; leen nie te min nie.
Gaan dan in en sluit die deur agter jou en jou seuns toe, en giet in al daardie kanne en sit weg wat vol is.

Sy het toe van hom af weggegaan en die deur agter haar en haar seuns toegesluit; en terwyl hulle vir haar aanbring, giet sy in.

Sodra die kanne vol was, sê sy aan haar seun: Bring vir my nog ’n kan aan; maar hy antwoord haar: Daar is geen kan meer nie. Toe gaan die olie staan.

Daarop kom sy om dit die man van God te kenne te gee; en hy sê: Gaan verkoop die olie en betaal jou skulde; van die orige kan jy en jou seuns dan lewe.

Deur net Christelik te wees is geen waarborg vr finansiele vryheid nie. Ons moet die wysheid van die Here ontvang en dan vasstaan op Sy woord en Sy beloftes in sie Woord.

Jesus sê in Markus 9:23 En Jesus sê vir hom: Wat dit betref—as jy kan glo, alle dinge is moontlik vir die een wat glo.

Markus 10:27 Maar Jesus het hulle aangekyk en geantwoord: By mense is dit onmoontlik, maar nie by God nie; want by God is alle dinge moontlik.

Spreuke 4:7 Die beginsel van die wysheid is: Verwerf wysheid en verwerf insig deur al wat jy besit.
Spreuke 4:8 Hou dit hoog, dan sal dit jou verhoog; dit sal jou eer as jy dit omhels.
Spreuke 4:10 Hoor, my seun, en neem my woorde aan; dan sal die lewensjare vir jou vermeerder word.
Spreuke 4:22 Want hulle is die lewe vir die wat hulle vind, en ‘n genesing vir hulle hele liggaam.

As ons nie weet wat die reëls is nie, sal ons nie weet wat die verskillende klasse is nie. Daar is reëls wat armoede beheer. ’n Gees van armoede aktiveer armoede. Dit aktiveer armoedige denkpatrone wat jou lewe beheer. Dit bring beperkings en tekort aan kreatiwiteit en potensiaal.

Spreuke 3:21 My seun, laat dit nie uit jou oë wyk nie, bewaar beleid en oorleg,
Spreuke 3:22 dan sal dit die lewe wees vir jou siel en ‘n versiersel vir jou hals;

Mense wat in armoede en tekort vasgevang is gebruik ander taal as mense wat hulself bestuur.
Daar is baie krag in taal en woordeskat. Dis die stuur van jou lewe.

Spreuke 2:10 Want wysheid sal in jou hart kom, en kennis vir jou siel lieflik wees;

Wyse mense gebruik taal, woordeskat om iewers uit te kom. God het die mense van die Toring van Babel se taal verwar en anders gemaak sodat hulle nie kon bereik wat hulle wou bereik nie.

Vervolg later.

My lewe het 'n totale nuwe wending geneem tydens my deelname aan die Finansiele Vryheids kursus in die Koningkryks Ekonomie wat aangebied word deur Stephen Smith van Soteria.

Ons moet leer om weg te beweeg van die wereld se dinge van doen, weg van die wereld se ekonomiese stelsel en begin beweeg na die Koningkryks Ekonomie van God ons Almagtige Vader.

Hoe doen ons dit ?

Ons moet begin fokus op Christus en ons moet begin om ons denke te vernuwe want ons stryd is nie teen vlees en bloed nie maar teen die bose magte in die lug.

Ons moet die Woord (Bybel) begin aktiveer en vas staan op die beloftes en beginsels wat vir ons uitgestippel word.

Ons moet besef dat ons die geseend van die Here is en so begin optree as die geseende van die Here. Ons moet besef dat ons nie meer geld nodig het nie maar eerder op ons Vader vertrou dat Hy ons die wysheid sal gee om voorspoedig te wees.

Geld sal nie 'n uitkoms in jou lewe bring nie. Ons moet as 'n distibusie kanaal van God se Koningkryk finansies begin optree. Lees Jes 10.27

Daar is dus 'n ander manier van leef en dinge doen as die van die wereld, en dit is God se Koningkryk en Sy dinge van doen.

Die eintlike evangelie is die opstanding van Jesus en daar is 'n salwing wat op jou lewe gaan wees en jy moet in daardie demensie in beweeg.

Hierdie salwing is vir elkeen van julle beskikbaar en jou gesindheid en mentaliteit moet begin verander.

Moet jou dus nie bekommer en kwel nie maar stel jou vertroue in die Here. Die heidene soek dinge maar ons moet eers die Koningkryk van God soek en al hierdie dinge sal vir julle bygevoeg word. Die lewe begin nou in Christus want Jesus het gekom sodat ons die lewe in volheid kan ontvang en geniet.

Ons verklaar oorlog teen skuld - aktiveer die woord van die Here met die salwing van die Here. God het die salwing om ju skuld te delg. Lees Rom 10 : 17

Bly gefokus op die woord van God en onthou dit wat jy saai sal jy maai. Ons moet 'n seen wees vir ander. Jy moet vir jouself se dat jy is die geseende van die Here.

Ek sal by die volgende geleentheid meer hieroor uitbrei.